पाल्पाको रामपुरमा राष्ट्रिय महिला भलिबल प्रतियोगिता हुने
पाल्पा,फाल्गुन १४ ।
सुनिल कार्की \
यही फागुन १८ देखि २४ गते सम्म पाल्पाको रामपुरमा प्रथम लुम्बिनी कप राष्ट्रिय महिला भलिबल प्रतियोगिता हुने भएको छ ।
प्रतियोगिताको बारेमा जानकारी दिन आयोजित पत्रकार सम्मेलनमा तयारी ८० प्रतिशत पुरा भएको जिल्ला भलिबल संघ पाल्पाका अध्यक्ष राजु गुरुङले जानकारी दिनुभयो । प्रतियोगितामा ३ विभागिय टिम नेपाल पुलिस क्लब, एपीएफ, त्रिभुवन आर्मी क्लब र सात प्रदेश सहित १० टिमको सहभागिता हुने छ ।
लुम्बिनी प्रदेश खेलकुद परिषद्का सदस्य सचिव जयप्रकाश भट्टराईले देशको सबै भु–भागमा खेल्न सकिने भलिबल खेल प्रतिको बढ्दो आकर्षणलाई मध्यनजर गर्दै प्रदेशमा राष्ट्रिय महिला भलिबल प्रतियोगिता सञ्चालन गर्न लागिएको बताउनुभयो । ‘प्रतियोगिता जिल्ला भलिबल संघ पाल्पाको आयोजना र लुम्बिनी प्रदेश खेलकुद परिषद्को प्रयोजनमा हुन लागेको हो ।
रामतुलसी माविको खेल मैदानमा हुने प्रतियोगितामा विजेता हुने प्रथम, द्वितय, तृतिय र सान्त्वना समुहले क्रमश नगद दुई लाख ५० हजार, एक लाख ५० हजार, ७५ हजार र ३५ हजार रुपैयाँ सहित ट्रफी, मेडल र प्रमाणपत्र प्राप्त गर्नेछ । प्रतियोगिता सम्पनन गर्न ८४ लाख बढी खर्च हुने आयोजकले जनाएको छ ।