May 29, 2024

पाल्पा, सुनिल कार्की ।
बढ्दो वैदेशिक पलायनका कारण धरापमा परेको खेल क्षेत्रको जर्गेनाको लागि पाल्पाको बगनासकालि गाउँपालिकाले अध्यक्ष कप भलिबल प्रतियोगिता सुरु गरेको छ । पुरुष र महिला भलिबल प्रतियोगिताको आयोजना गरिएको हो ।

युवा तथा खेलकुद विकास समिति बगनासकालीको आयोजनामा भएको प्रतियोगिताको विजेता टिमलाई पुरस्कार वितरण गदै प्रमुख अतिथी बगनासकाली गाउँपालिकाका उपाध्यक्ष हरिप्रसाद पाठकले युवाहरुको आर्कषण खेलकुद भएको बताउदै समाजले युवाहरुलाइ आसा र भरोसा गरेको बताउनु भएको छ । कार्यक्रममा प्रमुख प्रशासकीय अधिकृत बदीनाथ लम्साल,बगनासकाली गाउँपालिकाका प्रवक्ता टीकाबहादुर थापा लगायतले शुभकामना व्यक्त गर्नुभएको थियो ।

माघ ५ र ६ गते भएको प्रतियोगितामा बगनासकाली ७ खानीगाउँलाई २—० को सोझो सेटमा पराजित गदै बगनासकाली ६ यम्घाले उपाधि हात पार्यो भने खानीछापले तेश्रो स्थान हात पार्यो । प्रतियोगितामा प्रथम दोस्रो र तेस्रो हुने टमिलाई क्रमश २० हजार, १५ हजार र १० हजार नगद पुरस्कार मेडल ट्रफी र प्रमाण पत्र प्रदान गरिएको थियो । पालिका स्तरीय अध्यक्ष कप पुरुष र महिला भलिबल प्रतियोगितामा पुरुष ८ र महिला ६ टिम सहभागी भएका थिए ।

Leave a Reply

Your email address will not be published. Required fields are marked *