काँग्रेसका सभापति तथा प्रधानमन्त्री शेरबहादुर देउवाले गठबन्धन दलभित्र एक–अर्कालाई विश्वास दिलाउने गरी काम गर्न आग्रह गरेका छन् । आगामी मंसिर ४ मा हुने निर्वाचनका लागि गठबन्धनभित्र कुनै पनि शंका–उपशंका वा बहाना नचल्ने उनले बताए । गठबन्धन दलले रुपन्देहीमा शुक्रबार आयोजना गरेको संयुक्त प्रशिक्षण कार्यक्रममा बोल्दै देउवाले अझै केही वर्ष गठबन्धन आवश्यक रहेको र यसलाई बचाउनु पर्ने उल्लेख गरे । गठबन्धनले जितेर सरकार बनेपछि धेरै कुरा मिल्न सक्ने बताउँदै उनले एक–आपसमा संका र बेमानी गर्दा ठूलो नोक्सानी व्यहोर्नुपर्ने भनि सचेत गराए । ‘आपसमा भ्रम भयो भने सबैभन्दा बढी क्षति हामीलाई नै हुन्छ ।’–देउवाले भने, प्रचण्ड जिलाई पनि विश्वास दिलाउनु छ । संका उपसंका नगरौं । प्रधानमन्त्री देउवा बोल्नुअघि कार्यक्रमा बोल्दै माओवादी अध्यक्ष पुष्पकमल दाहाल प्रचण्डले गठबन्धन दलभित्र घात हुन सक्ने भन्दै सचेत गराएपछि उनले यस्तो प्रतिक्रिया दिएका हुन् ।
