पाल्पा,मंसिर २० ।
सुनिल कार्की ।
पूर्वी पाल्पाको रम्भा गाउँपालिका–२ फोक्सीङस्थित आँपगैरा जंगलबाट एकनाले भरुवा बन्दुक बरामद भएको छ ।
प्रहरी चौकी हुँगीबाट गस्तीमा खटिएको प्रहरी टोलीले सडक छेउबाट एक थान भरूवा बन्दुक फेला पारेको जिल्ला प्रहरी कार्यालय पाल्पाका प्रमुख प्रहरी उपरिक्षक हेरम्ब शर्माले जानकारी दिनुभयो । बन्दुक कसले र किन राखेको हो भन्ने विषय खुल्न सकेको छैन ।
बरामद बन्दुकका विषयमा थप अनुशन्धान गर्न जिल्लाबाट प्रहरी निरिक्षकको नेतृत्वमा थप अनुसन्धान टोली परिचालन भएको पाल्पा प्रहरीले जनाएको छ ।
