पाल्पा,भदौं १३ ।
सुनिल कार्की \
पाल्पाको तानसेन तम्घास सडक खण्डको जोर्तेमा पहिरोले स्र्कापियो गाडी पुरिदा तीन जनाको घटनास्थलमै मृत्यु भएको छ भने ५ जना यात्रु घाइते भएका छन ।  घाइते ५ जनालाई हार्थोक र अर्गली प्रहरी चौकिले उद्धार गरि उपचारको लागि सदरमुकाम तानसेन पठाएका छन । गुल्मीको तम्घासबाट बुटवलका छुटेको रुरु रेसुङगा यातायात प्रालिको लु १ ज ४६०० नं स्कोरपिओलाई सडक माथिबाट खसेको ठुलो ढुंगा सहितको पहिरोले पुर्दा सो दुर्घटना भएको जिल्ला प्रहरी कार्यालय पाल्पाले जनाएको छ । घाइते मध्ये दुई जनाको अवस्था गम्भीर रहेको र बाँकीको अवस्था मध्यम रहेको रहेको पाल्पा प्रहरी प्रमुख हेरम्ब शर्माले जानकारी दिनुभयो । घाइतेको पाल्पा सदरमुकाम स्थित यूनाइटेड मिसन अस्पताल तानसेनमा उपचार भईरहेको छ । मृतक तीनै जनाको पहिचान खुल्न भने सकेको छैन ।