February 23, 2024

पाल्पा,सुनिल कार्की \
तानसेन खानेपानी उपभोक्ता समितिको संयोजकमा मोहनप्रसाद श्रेष्ठ चयन हुनुभएको छ ।
मंगलवार सम्पन्न तानसेन नगरपालिकाको कार्यपालिकाको बैठकले श्रेष्ठको संयोजकत्मा ७ सदस्यीय तदर्थ समितिको गठन गरेको छ । जसको सदस्यहरुमा राधेश्याम ज्ञवाली, सन्तोषकुमार नेपाल, दुर्गादेवी भट्टराई, महेन्द्र बहादुर खाती क्षेत्री, लालमने अधै पुन र दिल कुमारी शर्मा रहेका छन ।


यसअघि असार १३ गते तानसेनमा सम्पन्न उपभोक्ताहरुको भेलाले नगरपालिकालाई जिम्मेवारी दिएको थियो । यसअघिको समितिको म्याद सकिएको ३ वर्ष पुग्दा पनि बैधानिक रुपमा पुर्नगठन हुन सकेको थिएन । तानसेनको खानेपानी उपभोक्ता समितिको कम चासोकै कारण तानसेनमा सधै पानी समस्या हुदै आएको छ । यो समितिले नयाँ बिधान तयार गरि ६ महिनाभित्र खानेपानी उपभोक्ता समितिको निर्वाचन गराउने जिम्मेवारी पाएको छ ।
तानसेन नगरपालिकाले तदर्थ समिति गठनका लागि सबै दलसँग छलफल गर्ने तयारी गरेपनि एमाले , रास्वपा लगायतका केही दलहरू यसमा सहभागी भएका थिएनन् ।

Leave a Reply

Your email address will not be published. Required fields are marked *