पाल्पा,असार १९ ।
सुनिल कार्की ।
पहिरोले अवरुद्ध पाल्पा बुटवल सडक खण्ड सुचारु गर्न पुगेको डोजरको टायर पञ्चर भएपछि काम रोकिएको छ । गौंडे पुल नजिकै पहिरो जाँदा अवरुद्ध बनेको सडक सुचारु गर्न पुगेको सडक डिभिजन कार्यालयको डोजारको टायर नै पञ्चार भएपछि काम रोकिएको हो ।
पुर्ण रुपमा अवरुद्ध भएको सडक सुचारु गर्न अहिले समस्या भएको छ । पहिरो हटाउने कार्यमा सडक डिभिजन कार्यालय सहितको नेपाल र ट्राफिक प्रहरीको टोली निरन्तर खटिएको छ तर सार्थक हुन सकेको छैन । सडक अवरुद्ध हुँदा यात्रु विहानै देखि बिच बाटोमा रोकिनु परेको छ । सडक सुचारु गर्न अझै एक देखि डेढ घण्टा लाग्ने भएकोले धैर्य गर्न प्रहरीले अनुरोध समेत गरेको छ ।
