पाल्पा,वैशाख १८ ।
सुनिल कार्की \
पश्चिम पाल्पाको रैनादेवी छहरा गाउँपालिका ३ छचुवामा काफल टिप्ने क्रममा रुखबाट खसेर एक युवकको ज्यान गएको छ ।
आफनै घर नजिकको जगलमा काफल टिप्न खोज्दा रुखबाट लडेर घाइते भएका सोही ठाउँका १८ बर्षीय सुर्य कुमालको ज्यान गएको जिल्ला प्रहरी कार्यालय पाल्पाका प्रमुख हेरम्ब शर्माले जानकारी दिनुभयो । रुखबाट खसेर घाइते कुमालको उपचारको क्रममा तानसेन स्थित यूनाइटेड मिसन अस्पतालमा मृत्यु भएको प्रहरी प्रमुख शर्माले बताउनुभयो ।
कुमाल दिउँसो करिब २ बजे काफल टिप्न भनि घरबाट हिँडेको परिवारिक स्रोतले जनाएको छ । घटनाका सम्बन्धमा थप अनुसन्धान सुरु गरिएको पाल्पा प्रहरीले जनाएको छ ।
