पाल्पा,भदौं ०८ ।
सुनिल कार्की ।
लुम्बिनी प्रदेशका सामाजिक विकास मन्त्री जन्मजय तिमिल्सिनाले संघिय शिक्षा विद्येयक शिक्षकको हित र मर्म अनुसार परित गर्नुपर्ने अहिलेको मुख्य आवश्कता रहेको बताउनु भएको छ । आइतबार नेपाली कांग्रेस जिल्ला कार्य समिति पाल्पाको शिक्षा समितिले आयोजना गरेको शिक्षा विद्येयक सम्बन्धि अन्तरक्रिया कार्यक्रममा प्रमुख वक्ताको रूपमा बोल्दै मन्त्री तिमिल्सिनाले शिक्षक मैत्री शिक्षा विद्येयक बनाउनुपर्नेमा जोड दिनुभयो ।
कार्यक्रममा सहभागी शैक्षिक व्यक्तित्वले हालै प्रतिनिधि सभाबाट पारित शिक्षा विद्येयक समान र सन्तुलित हुन नसकेको भन्दै संशोधन गर्न जोड दिनु भएको थियो । स्थानिय र प्रदेश सरकारको समन्वय विना एकलौटी ढंगलले शिक्षा विधेयक ल्याएको भन्दै प्रदेश सरकारले प्रभावकारी समन्वय गरि शिक्षकको समस्या हल गर्ने गरि शिक्षा विधेयक ल्याउन पहल गरिदिन जिल्लाका शिक्षासँग सम्बन्धित सरोकारवालाले जोड दिएका थिए ।
उठेका सवालको जवाफ दिदै सामाजिक विकास मन्त्री तिमिल्सिनले अहिलेको लोकतान्त्रिक अभ्यासमा समन्वय, सहकार्य र सहअस्तित्वबाट मात्रै समस्याको हल गर्न सकिने अवस्था रहेको भन्दै विद्येयकमा शिक्षकका वर्तमान जटिलता हल गर्न सामाजिक विकास मन्त्रालय लुम्बिनी प्रदेशले संघिय सरकारलाई लेखी पठाएको जानकारी दिनुभयो ।
कार्यक्रममा पुर्व मन्त्री एंव लुम्बिनी प्रदेश सभा सदस्य वीर बहादुर राना,महासमिति सदस्य लालु राना,मेजर सिंह केसी, नेपाली कांग्रेस पाल्पाका पुर्व सचिव माधव नेपाल, शिक्षक महासंघका केन्द्रीय उपाध्यक्ष दिपक ज्ञवाली लगायत जनप्रतिनिधि एवं लोकतान्त्रीक संघगठनमा आवद्ध पदाधीकारी एवं प्रतिनिधिको सहभागीता रहेको थियो ।
कार्यक्रम नेपाली कांग्रेस पाल्पाका सभापति हिमालदत्त श्रेष्ठको सभापतित्व र पार्टीका जिल्ला प्रवक्ता शोभाखर न्यौपानेको संचालनमा भएको थियो ।
