तानसेनको टुँडिखेलमा  ‘दोस्रो रणउज्जेश्वरी भगवती कप २०८२’ प्रतियोगिता सुरु भएको छ। ऐतिहासिक रणउर्जेश्वरी भगवती जात्राको अवसरमा श्रीनगर भलिबल क्लवले खुल्ला पुरुष तथा महिला भलिबल प्रतियोगिता सुरु गरेको हो।

बिहीबार भएको महिला तर्फको लिग चरणको पहिलो खेलमा आयोजक टिम श्रीनगर भलिबल क्लबलाई न्यू होराइन क्लब तानसेनले २ ० को सोझो सेटमा पराजित गर्यो। यस्तै महिला तर्फकै दोस्रो खेलमा चण्डेश्वरी युवा क्लब रिब्दीकोट ६ ले निस्दी भलिबल क्वलाई २ ० को सोझो सेटमा पराजित गर्न सफल भयो । यस्तै तेसा्रे खेलमा कानुङ्ग मगर भलिबल क्लबलाई न्यू होराइजन तानसेनले २ ० को साझोे सेटमा हराएको श्रीनगर भलिबल क्लबका अध्यक्ष कृष्ण बहादुर आलले बताउनुभयो । यस्तै पुषतर्फको उद्घाटन खेल पनि बिहीबार सम्पन्न भएको छ । पहिलो खेल पाल्पा भलिबल क्वबले जीत हात पारेको छ । बेस्ट ५ अन्तरगतको खेलमा तीन ३ १ को सेटमा न्यू होराइजन भलिबल क्लवलाई पराजित गरेर पालपा भलिबल क्लबले जित हात पारेको हो। प्रतियोगितामा महिला र पुरुषतर्फ पाँच।पाँच टिम सहभागी रहेका छन् । प्रतियोगितामा पुरुष भलिबलतर्फ प्रथम हुनेले एक लाख ७५ हजार, द्धितिय हुनेले एक लाख २५ हजार, तृतिय हुनेले ६० हजार र सान्तवना हुनेले ३० हजार नगदसहित मेडल र प्रमाणपत्र प्राप्त गर्ने छन् ।

यस्तै महिला भलिबलतर्फ प्रथम हुनेले ३० हजार, द्धितिय हुनेले २० हजार, तृतिय हुनेले १० हजार र सान्तवना हुनेले ५ हजार नगदसहित मेडल र प्रमाणपत्र प्राप्त गर्ने छन् । प्रतियोगितामा विभिन्न विधामा उत्कृष्ट हुने खेलाडीलाई पनि पुरस्कृत गरिने कार्यक्रम छ । पुरस्कारसहित प्रतियोगिता व्यवस्थापनका लागि १८ लाख २८ हजार ६ सय बराबरको खर्च अनुमान गरिएको क्लवका सचिव एवं खेल संयोजक दिपक चोहानले बताउनुभयो । प्रतियोगिता भगवती जात्राको दिनसम्म चल्नेछ ।