पाल्पा ।
तानसेन नगर स्तरीय दोस्रो मेयर कप फुटबल प्रतियोगिताको उपाधी तानसेन वडा न १ ले उचालेको छ । तानसेन वडा न १ र ९ बिच भएको फाइनल खेलमा वडा न १ ले वडा न ९ लाई पछि पार्दै उपाधी हात पार्न सफल भएको हो ।
तानसेन स्थित टुडिखेल मैदानमा सञ्चालन भएको तानसेन नगर स्तरीय दोस्रो मेयर कप प्रतियोगितामा वडा न १ ले ३ गोल गर्न सफल भएको थियो भने तानसेन वडा न ९ ले २ गोल हान्न सफल भयो । प्रतियोगितामा प्रथम हुने तानसेन वडा न १ ले १ लाख ५५ हजार ५ सय ५५ रूपैयाँ नगद,शिल्ड,मेडल र प्रमाणपत्र प्राप्त गरेका छन । भने द्वितीय हुने तानसेन वडा न ९ ले ७५ हजार ५ सय ५५ रूपैयाँ शिल्ड,मेडल र प्रमाणपत्र प्राप्त गरेका छन ।
प्रतियोगितमको समापन कार्यक्रमका प्रमुख अतिथि तानसेन नगरपालिकाका नगर प्रमुख सन्तोष लाल श्रेष्ठले खेलकुदले आत्म अनुशासन कायम राख्दै स्वस्थ जीवनशैली प्रवद्र्धन गर्न सहयोग पुग्ने बताउनुभयो । यस्ता खाले प्रतियोगिताले खेल जिवनलाई रोजगारीसँग जोड्न सकिन्छ भन्ने आधार तय भएको बताउनुभयो ।
नगरका भित्रका १४ वटै वडाका युवालाई खेलसँग जोडी सामाजिक विकृति, विसंगतिबाट जोगाउन मेयर कप प्रतियोगिताले महत्वपुणै भुमिका खेल्दै आएको छ ।
