पाल्पा, चैत्र १७ ।
पाल्पाको तानसेन नगरपालिका वडा नं ७ र १० जोड्ने होलाङ्गदी खोलाको बेलगैरामा पक्की निर्माणले तिब्रता पाएसँगै खुशि बनेका छन ।
तानसेन नगरपालिकाको आर्थिक वर्ष २०७९ \ ८० को ४ लाख ५० हजार र २०८०\ ८१ को १० लाख गरि करिब १४ लाख ५० हजारको लागतमा पक्की मोटरेबल पुलको काम अन्तिम चरणमा पुगेको हो ।
तानसेन खोलामा पुल नहुँदा तानसेन १० का गडशाल, भारकेश, सुनडाँडा, तेल्घा, आमडाँडा देखि वडा नं ७ को चुच्चेबारी, मदनपोखराका नागरिकलाई आवतजावतमा निकै समस्या हुँदै आएको थियो । अहिले तानसेन खोलामा पुल बनेसँगै यहाँका नागरिकलाई घुमाउरो सडक प्रयोग गर्नुपर्ने बाध्यता हट्ने तानसेन नगरपालिका १० का वडा अध्यक्ष हिमलाल पंगेनीले बताउनुभयो । साथै पुलसम्म आउनको लागि प्रधानमन्त्री स्वारोजगार कार्यक्रमबाट पहुँच सडकको समेत निर्माण गरिएको छ ।
पुल बनेसँगै दुबै वडाका नागरिकलाई आवतजावतसँगै स्थानिय कृषि उपज सिद्धार्थ राजमार्ग अन्र्तगत पाल्पा बुटवल सडक खण्डमा सम्म लैजान राहत मिल्ने अपेक्षा गरिएको छ ।
