पाल्पा,चैत्र ०१ ।
सुनिल कार्की ।
नेपाल सरकारका उपप्रधानमन्त्री एवं शहरी विकास मन्त्री प्रकाशमान सिंहले राज्यका विशिष्ट व्यक्तिलाई अहिलेको सरकारले अतिरिक्त सेवा सुविधा र भत्ता दिन लाग्यो भनेर गरिएको अनर्गल प्रचारप्रसार हल्ला मात्रै भएको बताउनुभएको छ ।
नेपाली कांग्रेस पाल्पाले आयोजना गरेको क्रियाशिल कार्यकर्ता भेटघाट कार्यक्रमलाई सम्बोधन गर्दै उपप्रधान्त्री सिंहले यथार्थमा अहिलेको सरकारले सो सेवा सुविधा थप गर्न नलागेको पुष्टी समेत गर्नुभयो । नेपाली कांग्रेस र एमाले दुई ठुला पार्टी मिलेर बनेको अहिलेको सरकारलाई कमजोर बनाउन र जनतालाई भ्रम र्छनको लागि मात्र यो प्रपोकण्ड रचिएको आरोप उपप्रधान एवं शहरी विकास मन्त्री सिंहले लगाउनुभयो ।
राज्यको विशिष्ट स्थानमा पुगेर नेतृत्व गरेकालाई अहिलेको सरकारले नभई यस अघिकै सरकारले सेवा सुविधा दिने तयारी गरि रहेको तर आलोचना हुने डरले नल्याएको समेत उपप्रधानमन्त्री सिंहले बताउनुभयो । फरक प्रशंगमा बोल्दै नेपाली कांग्रेसका केन्द्रिय सदस्य समेत रहनुभएका सिंहले कांग्रेसको आसन्न महाधिवेशन निर्धारित समयमै हुने जिकिर गर्नुभयो । कार्यक्रममा नेपाली कांग्रेसका अर्का केन्द्रिय सदस्य नैन सिंह महरले चैत्र ५ गते हुन गईरहेको विद्यार्थीहरुको महाउत्सव स्ववियू निर्वाचनमा नेपाल विद्यर्थी संघले बहुमत ल्याउने बताउनुभयो ।
