पाल्पा,फाल्गुन ०६ ।
सुनिल कार्की ।
नेपाली कांग्रेसका महामन्त्री गगन कुमार थापा फागुन ७ गते भोलि पाल्पाको पूर्वखोला आउनुहुने भएको छ ।
नेपाली कांग्रेस पूर्वखोला गाउँ कार्यसमितिको आयोजनामा हुन लागेको ‘प्रथम लोकतान्त्रिक महोत्सव’लाई सम्बोधन गर्न महामन्त्री थापा आउन लाग्नु भएको हो । प्रजातन्त्र दिवसको अवसर पारेर पूर्वखोला गाउँकार्य समितिले नेपालमै पहिलो पटक लोकतान्त्रिक महोत्सव भोली गर्दै छ । महोत्सवलाई भव्यतामा साथ सम्पन्न गर्नका लागि तयारीको कार्य अन्तिम चरणमा पुगेको नेपाली कांग्रेस पाल्पाका सभापति हिमालदत्त श्रेष्ठले जानकारी दिनुभयो । महोत्सवमा पूर्वखोला गाउँपालिकाका ६ वटै वडाको साँस्कृतिक झाँकी प्रदर्शनी, स्थानीय उत्पादनको प्रर्दशनी तथा निशुल्क स्वास्थ्य परीक्षण शिविर सञ्चालन हुने पूर्वखोला गाउँ कार्यसमितिका सभापति विष्णु कुमारी आचार्यले आचार्यले बताउनुभयो । पूर्वखोला ३ रिङ्नेरह हाटबजार मैदानमा हुने महोत्सवको विहान ११ बजे महामन्त्री थापाले उट्घाटन गर्ने कार्यक्रम रहेको छ ।
लोकतन्त्रको संस्थागत विकास ,पार्टीलाई सशक्त र क्रियाशील बनाएर अगाडि बढाउन ‘ प्रथम लोकतान्त्रिक महोत्सव’ ले टेवा पुग्ने अपेक्षा गरिएको छ ।
