पाल्पा,पुष २८।
सुनिल कार्की \
पाल्पा जिल्लाको तानसेन–तम्घास सडक खण्डको तानसेन नगरपालिका वडा नं ११ स्थित समाकोट भन्ने ठाउँमा गुडीरहेको फोर्स जिपले ठक्कर दिदा पैदलयात्रीको घटनास्थलमै मृत्यु भएको छ । .
मृत्यु हुनेमा तानसेन नगरपालिका –११, सामाकोटकी ४६ वर्षीया सीता गहतराज रहेको जिल्ला प्रहरी कार्यालय पाल्पाले जनाएको छ । शनिबार साँझ करिब ६ बजेको समयमा सडकमा हिँडिरहनुभएकी गहतराजलाई पाल्पाको तानसेन हुँदै गुल्मीतर्फ जाँदै गरेको लु २ ख ५६१८ नम्बरको फोर्स जिपले ठक्कर दिएको पाल्पाका प्रहरी प्रमुख नरेन्द्र चन्दले पुष्टी गर्नुभयो । जिपको ठक्करबाट गम्भीर घाइते हुनुभएको गहतराजलाई उपचारका लागि लुम्विनी मेडिकल कलेज प्रभासमा पठाएको थियो । तर अस्पताल पु¥याए लगतै चिकित्सकले मृत घोषणा गरेका थिए । मृत्क गहतराजको शवलाई तानसेन स्थित पाल्पा अस्पतालमा पोष्टमार्टम गरि आफन्तलाई बुझाइएको छ ।
फोर्स जिपका चालकलाई प्रहरीले नियन्त्रणमा लिई घटना बारे थप अनुशन्धान सुरु गरेको जनाएको छ ।
