पाल्पा-स्वास्थ्य लागि खेलकुद राष्ट्रका लागि खेलकुद भन्ने नाराका साथ वडा तथा क्लब स्तरीय पाचौं रैनादेवी छहरा गाउँपालिका अध्यक्ष कप क्रिकेट प्रतियोगिता हुने भएको छ ।
प्रतियाेगिता रैनादेवी छहरा गाउँपालिकाको आर्थिक सहयोग र युवा तथा खेलकुद विकास समिति रैनादेबी छहरा गाउँपालिकाकाे आयाेजनामा पाैष २८ गते देखि पाँचौं अध्यक्ष कप क्रिकेट प्रतियोगिता सुरु हुने रैनादेबी छहरा गाउँपालिका युवा तथा खेलकुद विकास समितिका संयाेजक नारायण कार्कीले बताउनुभयाे ।
प्रतियाेगिता स्थानीय वडाका क्लब स्तरीय क्रिकेट टोलीहरूको सहभागिता रहनेछ। खेलकुदको माध्यमबाट युवाहरूलाई सकारात्मक ऊर्जा दिन र स्थानीय खेलकुदको प्रवर्द्धन गर्ने उद्देश्यले प्रतियोगिता आयोजना गर्न लागिएको गाउँपालिका अध्यक्षले रूक्मागत भट्टराईले बताउनुभयो । खेलकुद केवल मनोरञ्जनको माध्यम नभई स्वास्थ्य, अनुशासन, र सामाजिक एकताको प्रतीक रहेको बताउनुभयो ।
गाउँपालिकाले खेलकुदलाई प्राथमिकतामा राख्दै, यस क्षेत्रका युवाहरूलाई अवसर प्रदान गर्न, उनीहरूको प्रतिभा पहिचान गर्न र प्रोत्साहित गर्न निरन्तर प्रयास गर्दै आएको बताउनुभयो । खेलकुदले केवल व्यक्तिगत विकासमा मात्र नभई समाजमा सकारात्मक परिवर्तन ल्याउन ठूलो भूमिका खेल्नेछ । प्रतियोगितामार्फत स्थानीय प्रतिभालाई राष्ट्रिय तथा अन्तर्राष्ट्रिय स्तरमा पुर्याउने लक्ष्य गाउँपालिकाले लिएको बताउनुभयो ।
भलिबल प्रतियाेगितामा पुरुष तर्फ प्रथमले रूपैयाँ ५० हजार ट्रफि, मेडल र प्रमाणपत्र,द्वितियले ३० हजार ट्रफि, मेडल र प्रमाणपत्र,तृतियले १५ हजार ट्रफि, मेडल र प्रमाणपत्र र सान्त्वना हुनेले १० हजार प्रमाणपत्र पाउने छन । भने महिला तर्फ प्रथमले ३० हजार ट्रफि, मेडल र प्रमाण पत्र,द्वितियले २० हजार ट्रफि, मेडल र प्रमाण पत्र,तृतियले १५ हजार ट्रफि, मेडल र प्रमाण पत्र र सान्त्वनाले १० हजार प्रमाणपत्र पाउने छन । कार्यक्रम रैनादेबी छहरा वडा न ५ कटाैजेपानी खेलमैदानमा हुनेछ ।क्रिकेट प्रतियोगितामा प्रथम हुनेले २५ हजार ट्रफि, मेडल र प्रमाण पत्र ,द्वितियले १५ हजार ट्रफि, मेडल र प्रमाण पत्र, तृतियले १० हजार ट्रफि, मेडल र प्रमाण पत्र पाउनेछन ।
