पाल्पा,पुष १४।
सुनिल कार्की ।
लुम्बिनी र गण्डकी प्रदेशको सिमा पाल्पा स्थित राम्दी भन्ने ठाउँबाट ठुलो परिमाणमा लागु औषध सहित एक युवकलाई पाल्पा प्रहरीले नियन्त्रणमा लिएको छ ।
जिल्लाको बगनासकालि गाउँपालिका ५ राम्दी स्थित कालीगण्डकी पुल नजिकैबाट कास्कीको पोखरा महानगरपालिका ९ पृथ्वचोक बस्ने वर्ष २८ का चोक बहादुर श्रेष्ठलाई पक्राउ गरिएको हो । पक्राउ परेका श्रेष्ठको साथबाट नोेफिन लेखेको ४६ एम्पुल, डाइजेपम्म ४६ एम्पुल, फेनेरागन ४६ एम्पुल गरि कुल १ सय ३८ एम्पुल लागु औषध भेटिएको जिल्ला प्रहरी कार्यालय पाल्पाका सुचना अधिकारी प्रहरी नायब उपरिक्षक सुनिल मल्लले जानकारी दिनुभयो । कालीगण्डी नदि स्थित पुल नजिकै एक जना मानिस झोला बोकी शंकास्पद अवस्थामा हिड्डुल गरेको सुचनाको आधारमा खटिएको रम्दी प्रहरी चौकीको टोलिले श्रेष्ठलाई पक्राउ गरि नियन्त्रणमा लिएको सुचना अधिकारी श्रेष्ठले बताउनुभयो ।
प्रहरी पक्राउ परेका श्रेष्ठलाई जिल्ला प्रहरी कार्यालय पाल्पा ल्याइ उनिसँग थप बयान लिने काम सुरु भएको पाल्पा प्र्रहरीले जनाएको छ ।
