पाल्पा, सुनिल कार्की \
अन्तरिम मन्त्री परिषद्का अध्यक्ष एव पूर्व प्रधान न्यायधीस खिलराज रेग्मीले पाल्पा जिल्ला तुलनात्मक हिसाबले जुन गतिमा विकास हुनुपर्ने हो सो अनुरुप नभएको भन्दै दुखेसो पोख्नुभयो । पाल्पा पछी परेको र पारिएको जिल्ला भएको खुलासा गदै रेग्मीले बजेट प्रणालीमा समानता र न्यायपुर्ण नभएको भन्दै यसमा व्यापक सुधार गर्नुपर्नेमा जोड दिनुभयो ।
पाल्पा जिल्लामा आयोजित पाल्पा महोत्सव कार्यक्रममा आफ्नो लिखित मन्तब्य राख्दै अन्तरिम मन्त्री परिषद्का अध्यक्ष एव पूर्व प्रधान न्यायधीस रेग्मीले राजनैतिक दलहरु र नेतृत्व वर्गले विशेष ध्यान दिनुपर्नेमा जोड दिनुभयो । राजनितिक अस्थिरता र पटकपटक फेरबदल भईराख्ने सत्तसमिकरणले मुलुकको दिगो विकास हुन नसकेको भन्दै यसमा मुलुकको शीर्ष नेतृत्वले राम्रो अभ्यास र व्यवस्था गर्दै जानुपर्ने सुझाव दिनुभयो । फरक प्रसंगमा बोल्दै अध्यक्ष रेग्मीले सञ्चार जगतमा जनउत्तरदायित्वको अभाव खड्कीदै गएको भन्दै विश्वसनिय र रचनात्मक सुचना संप्रेषण गर्न आग्रह गर्नुभयो । संवैधानिक व्यवस्था र राजनैतिक अभ्यासमा सुधारपुर्ण आवश्यकताको खाँचो रहेको उहाँले औंल्याउनुभयो ।
चाहे जस्तो र अपेक्षा गरे अनुसार राज्यको विकास हुन नसकेको अवस्थमा निरासा र असुन्तुष्टी थपिदै जानु स्वभाविक भएको भन्दै यसमा राजनैतिक दल र नेतृत्व तह नै दोषी रहेको अन्तरिम मन्त्री परिषद्का अध्यक्ष रेग्मीको भनाई थियो ।
