काठमाडौँ,साउन २३ ।
आज दिउँसो नुवाकोटको शिवपुरी ७ सूर्यचौरमा भएको एयर डाइनेष्टीको नाइन एन एजेडी हेलिकप्टर दुर्घटनामा ज्यान गुमाउनेको संख्या पाँच पुगेको छ । ज्यान गुमाउनेमा ४ जना चिनियाँ पर्यटक सहित हेलिक्पटरका क्याप्टेन अरुण मल्ल रहेका छन ।
क्याप्टेन मल्ल घाइते थिए उनको उपचारको क्रममा निधन भएको नुवकोटका प्रहरी प्रमुख शान्तिराज कोइरालाले जानकारी दिनुभयो । दुर्घटनामा ज्यान गुमाउनेहरुमा चिनियाँ पर्यटकहरु जुदाङ टाङ पुरुष, जी लि पुरुष, यियाद वु –महिला र जेमिङ सी पुरुष रहेका नुवाकोट प्रहरीले जनाएको छ । दुर्घटना स्थलमा पुग्नु भएका नुवाकोट जिल्लाका प्रहरी प्रमुख शान्तिराज कोइरालाका अनुसार जंगलको झाडीमा यत्रतत्र छरिएको अवस्थामा दुर्घटनाग्रस्त हेलिकप्टर र चिनियाँ पर्यटकको शव फेला परेको बताउनुभयो । अहिले चिनियाँ पर्यटकको शवलाई काठमाण्डौं लगिएको छ ।
हेलिकप्टरमा चिनियाँ पर्यटक सहित ५ जना सवार थिए । अहिले घटनास्थलमा चार वटै सुरक्षा निकाय सहित स्थानियले हेलिकप्टरमा लागेको आगो नियन्त्रणको प्रयास जारी राखेका छन ।
यस्तै दुर्घटना लगतै घटनस्थल पुग्नु भएका पर्यटन मन्त्री बद्र पाण्डेले दुर्घटनस्थलको निरिक्षण गरि काण्माण्डौं फर्किनु भएको छ । मन्त्री पाण्डेले दुर्घटनाको अध्ययन गर्न छानविन गर्न समिति गठन गर्ने जानकारी दिनुभयो । यस्तै प्रधानमन्त्री केपी शर्मा ओलीलेको दुर्घटना प्रति दुख व्यक्त गर्नुभएको छ ।
