पाल्पा,साउन २२ ।
सुनिल कार्की ।
गुल्मी जिल्लाको मुसिकोट नगरपालिकाको वडा नम्बर–१ बिसौनामा पहिरोले दुई घर परिदा ४ जनाको मृत्यु भएको छ । अझै केही मानिस बेपत्ता भएको हुन सक्ने गुल्मी प्रहरीले जनाएको छ ।
घर माथिबाट विहान १० बजेको समयमा खसेको पहिरोले दुई घर पुर्णरुपमा पुरेको हो । पहिरोमा पुरिएर घटनस्थलमै दुईजना र बाँकी दुईजनाको उद्धार गरि उपचारको लागि पाल्पा पठाउने क्रमा मृत्यु भएको गुल्मीका प्रहरी निरीक्षक रामकुमार केसीले जानकारी दिनुभयो । अझै केही बालबच्चा पुरिएको आशंकामा खोजीको लागि नेपाली सेना र सशस्त्रको टोली परिचालनको तयारी गरिएको छ ।
मंगलबार बिहान घरमाथिबाट लेदो सहितको पहिरोले बिष्णु विक र हुकुम विकको घर पुरिएको थियो ।
