पाल्पा,साउन २७ ।
जिल्लाको तानसेन नगरपालिका वडा नं ३ र ५ मा फैलिएको देउराली सामुदायिक वन उपभोक्ता समुहको २४ औं साधरण सभा सम्पन्न भएको छ ।
दुई वटै वडाका स्थानियको सहभागितामा सम्पन्न साधरण सभाले राजेन्द्र अधिकारीको नेतृत्वमा नयाँ उपभोक्ता समुह समेत गठन भएको हो । १४ दशमलव २ हेक्टर क्षेत्रफलमा फैलिएको उक्त समुदायिक वनको उपाध्यक्षमा विमला ज्ञवाली आत्रेय, सचिवमा शान्ति ज्ञवाली, सहसचिवमा सपना जिसी, कोषाध्यक्षमा विष्णु प्रसाद अधिकारी, र सदस्यहरुमा भुम कला सन्मानी, राज कुमार गन्र्धब, लक्ष्मी पाण्डे र देवका खत्री रहनु भएको छ । नव गठित उपभोक्त समुह ६५ प्रतिशत महिला र ३५ प्रतिशत पुरुषको सहभागिमा चयन गरिएको हो ।
समुहले वनदेवीको संरक्षणको लागि कार्ययोजना बनाई स्थानिय सरकारलाई हस्तान्त्रण गर्ने, यसै वनमा फालिदै आएको तानसेनको फोहोरलाई रोक्न पहल गर्ने र समुदायिक वनको संरक्षणमा विशेष ध्यान दिने लगायतको काम गर्ने लक्ष्य लिएको नव गठित उपभोक्ता समुहका अध्यक्ष राजेन्द्र अधिकारीले जानकारी दिनुभयो ।
