पाल्पा,पुष २१ ।
पाल्पाको पूर्वखोला गाउँपालिकामा गएराति गुडिरहेको ट्रयाक्टरबाट खसेर सह चालकको घटनास्थलमै मृत्यु भएको छ । जिल्लाको पूर्वाखोला ३ कमेरे स्थित पूर्वखोला– निस्दी सडक खण्ड अन्र्तरगत निस्दीबाट पूर्वखोला आउँदै गरेको लु ३ त ६२५९ नंम्बरको ट्रयाक्टरको ट्रलीमा सवार सहचालक पूर्वखोला ३ भालकुन बस्ने वर्ष २८ का सेते सारुको मृत्यु भएको जिप्रका पाल्पाका सुचना अधिकारी विरेन्द्र थापाले जानकारी दिनुभयो ।
स्वंयम सारु सवार गुडीरहेको ट्रयाक्टरको बायाँ पट्टीको ठुलो चक्काले किच्दा निजको घटनास्थलमै मृत्यु भएको ईलाका प्रहरी कार्यालय पूर्वखोलाले जनाएको छ । घटनाको बारेमा थप अनुशन्धान गर्न जिल्लाबाट प्रहरी निरिक्षकको टोली खटिएर ट्रयाक्टर र चालकलाई नियन्त्रणमा लिई थप अनुशन्धान सुरु गरेको जिल्ला प्रहरी कार्यालय पाल्पाका सुचना अधिकारी थापाले जानकारी दिनुभयो ।
