काठमाडौँ । नेपाल बार एसोसिएसनको नयाँ नेतृत्व चयनका लागि आगामी चैत २३ गते निर्वाचन हुँदैछ। यस निर्वाचनमा अधिवक्ता मन्दिरा अधिकारीले सदस्य (महिला खुला) पदमा उमेदवारी दिने निर्णय गरेकी छन् । उनका अनुसार कानुनी राज्यको सिद्धान्तलाई सशक्त रूपमा स्थापित गर्न र कानुन व्यवसायीहरूको हकहितको रक्षा गर्न उम्मेदवारी दर्ता गराएकी हुन् ।। पेशागत जीवनमा कानुन व्यवसायीहरूले भोग्ने कठिनाइहरूबारे आफू भुइँ तहबाट जानकार रहेको बताउँदै उनले नेपाल बार एसोसिएसनको महत्वपूर्ण भूमिका नवप्रवेशी कानुन व्यवसायीहरूलाई आवश्यक मार्गदर्शन दिने र पेशागत स्थायित्व प्रदान गर्ने हुनुपर्ने धारणा राखेकी छन् ।
“बारको मुख्य उद्देश्य नै कानून व्यवसायीहरुको हकहितको संरक्षण गर्नु हो, त्यसलाई नै केन्द्र विन्दुमा राखेर काम गर्नुपर्छ” उनले भनिन् । नेपाल बारमा आफ्नो निकट व्यक्तिलाई सबै खालका अवसर प्रदान गर्ने तर अन्यलाई वास्ता नगर्ने / अवसर नै नदिने प्रवृत्तिको अन्त्य हुनुपर्ने उनको भनाइ छ । कानून व्यवसायीहरुबीच एकताको विकास गर्नको लागि नेपाल बारको भुमिका अपरीहार्य छ । अधिवक्ता अधिकारीले कानुन व्यवसायीहरूको पेशागत हकहितका विषयमा प्रभावकारी रूपमा काम गर्न नसकेको बताइन् । कानुन व्यवसायीहरूको सहज पहुँच बारसम्म नपुगेको उनको भुमिका छ । न्यायालय र कानूनी प्रशासन प्रणालीबीच सेतुको भुमिका निर्वाह गर्ने बारको पछिल्लो भुमिका केही खस्किएको अधिवक्ता मन्दिराको भनाइ छ ।
संवैधानिक रुपमा बार एसोसिएसनले सरकारलाई खबरदारी गर्ने भूमिका त निर्वाह गरे पनि संस्था भित्रको निर्णय प्रक्रियामा विधि९विधानअनुसार सुधार आवश्यक रहेको उनको भनाइ छ । कानून व्यवसायीहरुलाई गुणस्तरीय तालिम, सूचना तथा नेटवर्किङ सुविधा उपलब्ध गराउन पहल गर्ने उनको योजना छ । नेपाल बारमा निर्वाचित भइ आएमा विधिको शासन र मानव अधिकार प्रवर्द्धनमा महत्वपूर्ण योगदान गर्ने उनले बताइन् । नेपाल डेमोक्रयाटिक लयर्स एशोसिएसनसँग आबद्ध अधिकारीले कानुन व्यवसायीहरूको पुरानो प्रवृत्तिलाई बदल्दै नयाँ पुस्ताको भावना र समयको मागलाई सम्बोधन गर्दै अघि बढ्नुपर्नेमा जोड दिँदै आफ्नो उम्मेदवारी परिवर्तनको चाहना गर्नेहरुको परीक्षणको रूपमा रहेको उल्लेख गरिन् ।
महिलाका लागि बार एसोसिएसनमा सीमित अवसर रहेको र आसेपासे प्रवृत्तिले समस्या सिर्जना गरिरहेको बताउँदै उनले यस्ता विसंगतिहरू हटाउन आफूले नेतृत्वमा आउन खोजेको स्पष्ट पारिन् । निर्वाचनबाट सुयोग्य उमेद्वारहरु छनौट भइ आएमा नेपाल बार एसोसिएसन कानुन व्यवसायीहरूको पेशागत विकास, संस्थागत सुधार र नेतृत्व परिवर्तनको आधार बन्ने विश्वास अधिकारीले व्यक्त गरेकी छन् ।
