पाल्पाको तानसेन नगरपालिका ८ डुम्रेस्थित सिद्धार्थ राजमार्गमा बुटवलबाट पाल्पा तर्फ आउँदै गरेको लु ३१ प ६५०७ नम्बरको मोटरसाइकले सोही दिशाबाट आउँदै गरेको लु २ ख ४६३१ नम्बरको टिप्परलाई ओभरटेक गर्ने क्रममा मोटरसाइकलमा सवार दुई युवक घाईते भएको जिल्ला प्रहरी कार्यालय पाल्पाका प्रहरी निरीक्षक सन्दिप बेल्वासेले जानकारी दिनुभयो ।
घाइते हुनेहरुमा मोटरसाइकल चालक पाल्पाको रामपुर नगरपालिका १ हाँगेपिपल बस्ने १८ वर्षीय प्रविन उचई र मोटरसाइकल पछाडि सवार सोही ठाउँ बस्ने २२ वर्षीय नारायण उचई ठकुरी रहेका छन् ।
घाइते दुबै जनाको लुम्बिनी मेडिकल कलेज प्रभास उपचार भइरहेको प्रहरीले बताएको छ । प्रविन उचाईको अवस्थामा माध्यम रहे पनि नारायण उचाई ठकुरीको अवस्था सिरियस रहेको प्रहरीको भनाई छ । प्रहरीले घटनाको सम्बन्धमा आवश्यक अनुसन्धान गरिरहेको जनाएको छ ।
