पाल्पा, साउन ०९ ।
सुनिल कार्की \
सिद्धार्थ राजमार्ग अन्तर्गत पाल्पा बुटवल खण्डको हिउँदे खोलामा सडक भासिएपछि मर्मत र स्तरउन्नतीको आज बेलुकी देखि सडक बन्द हुने भएको छ ।
सडक खण्डको तिनाउ गाउँपालिका ५ हिउँदे खोला क्षेत्रमा सडक भासिएकाले सडक पुर्न निर्माणको लागि बन्द गर्न लागिएको जिल्ला प्रशासन कार्यालय पाल्पाले जनाएको छ । सडक भासिएको क्षेत्रमा करिब ६० मिटर सडक एकतर्फी भएकोले सम्भावित क्षति न्यूनीकरण गर्नका लागि आज बेलुका ७ बजे देखि बिहान ६ बजेसम्म अर्की व्यवस्था नभएसम्म सडक बन्द गरिने पाल्पाका प्रमुख जिल्ला अधिकारी आनन्द काफ्लेले जानकारी दिनुभयो । सडक भासिएको हिउँदे खोला क्षेत्रमा सडकको तल्लो भागबाट सडक चिरा पर्दे गएको र माथिबाट पहिरो खस्ने जोखिम रहेकोले पक्की डाइर्भसन निर्माणको सडक बन्द गर्नुपरेको सडक डिभिजन कार्यालय पाल्पका प्रमुख बाबुराम सापकोटाले बताउनुभयो । अत्यावश्यक सवारी साधन एम्बुलेन्स, शव बहान, दुध, पेट्रल डिजेलका सवारीलाई बाहेक अन्य सवारीलाई रात्रि तोकिएको समयमा रोक लगाइएको सडक डिभिजन कार्यालय पाल्पाले जनाएको छ ।
यही खण्डमा दुई वर्ष अघि पनि सडक भासिदा यात्रुले महिनौ सास्ती भोग्नु परेको थियो । अहिले पुन सडक भासिदा यात्रु र सवारी साधन जोखिम मोलेरै यात्रा गर्न बाध्य छन ।
