पाल्पा,असार २८ । सुनिल कार्की ।
पाल्पामा गएराति परेको भिषण बर्षाका कारण ढुंगा माटोले बनेको कच्चि गोठ भत्कीदा चार वटा उन्नत जातका बाख्रा मरेका छन ।
जिल्लाको तानसेन नगरपालिका वडा नं ७ माथिल्लो पक्लुवा भन्न ठाउँमा गोठ भत्कीएको हो । गोठामा तीन वटा पाठा, दुुई माउ र एउटा सानो पाठी पुरिएकोमा दुईवटा माउ,एउटा पाठो र एक पाठी गोठको गाहेले च्यापिएर मरेको वडा अध्यक्ष प्रदिप खनालले पुष्टी गर्नुभयो । प्रभास प्रहरी चौकीका प्रमुख रोम खत्रीको नेतृत्वमा गएको प्रहरी टोलीले बाख्राको उद्धार गरेको थियो । प्रहरी र स्थानियले जोखिमयुत्त भत्केर बाँकी रहेको पर्खालको सुरक्षित व्यवस्थापन गरेको पाल्पाका प्रहरी प्रमुख नरेन्द्र चन्दले जानकारी दिनुभयो ।
साथै निरन्तरको बर्षाले ग्रामिण भेगका कच्ची घर गोठ जोखिममा रहेकोेले सुरक्षा र सर्तकता अपनाउ आग्रह गरेको छ ।