सुनिल कार्की ।
पाल्पाको रैनादेवी छहरा गाउँपालिका ६ जुठापौव गाउँको सामुदायिक वनमा अम्रिसो रोपण भएको ।
दुई बर्षका लागि युएन डिपि नेपाल र स्वास्थ्य सीपमूलक शैक्षिक विकास केन्द्र पाल्पाको सहयोगमा परियोजनाको कार्यक्रम संचालन भएपछी स्थानियको जिवनस्तरमा समेत सुधार आएको छ । छिटो आम्दानी लिन सकिने र भु संरक्षण हुने भएपछी परियोजनाले आम्दानिको स्रोत खोज्दै वडा न ६ को जौखोरिया, पाताल तथा पाखुरे सामुदायीक वनको नेपाने डाँडामा बृक्षारोपण गर्न वनमा आवद्ध १६० उपभोक्तालाई सहयोग गरेको छ । सामुदायिक वनको खाली र नाङ्गो डाँडामा सामान्य मेहनतमा अम्रिसो खेती गरेर मनग्य आम्दानी गर्न सकिने भएपछि १०० हेक्टर जमिन मध्य ५ हेक्टर क्षेत्रफलमा ४० हजार बढी अम्रिसो लगाइएको छ भने सङ्गै ६ हेक्टर क्षेत्रफलमा १० हजार दालचिनी तथा १० हजार टिमुरको बिरुवा समेत लगाएको छ । दुई बर्षको परियोजनामा अम्रिसो सँगै पाल्पा मै पहिलो पटक बदाम खेती, अर्गानिक तरकारी खेती फापर खेती, गह्रा सुधार र मातृभूमि चुल्हो निर्माण गर्ने जस्ता काम समेत भैरहेको छ ।
