काठमाडौं । आइसीसी टी-२० विश्वकपमा नेपालले नेदरल्यान्ड्सलाई १०७ रनको लक्ष्य दिएको छ ।
अमेरिकाको डालासस्थित ग्रान्ड प्रेरी क्रिकेट स्टेडियममा टस हारेर पहिला ब्याटिङ थालेको नेपालले १९.२ ओभरमा सबै विकेट गुमाउँदै १०६ रन बनाएको छ।
१०७ रनको लक्ष्य पाएको नेदरल्यान्ड्सले केही बेरपछि ब्याटिङ गर्ने छ। नेपालका कप्तान रोहितकुमार पौडेलले सर्वाधिक ३५ रन बनाए। ३७ बल खेलेका उनले ५ चौका प्रहार गरे। करण केसी १७, गुल्शनकुमार झा १४ र अनिल साह ११ रनमा आउट हुँदा अन्यले दोहोरो अंकमा रन बटुल्न सकेनन्।
नेदरल्यान्ड्सका टिम प्रिन्गल र लोगान भ्यान वीकले समान ३ विकेट लिए। पाउल भ्यान मिकरेन र बास डे लीडेले समान २ विकेट लिए।
