सुनिल कार्की
पाल्पा । पाल्पामा बिना सूचना झ्याप झ्याप हुने बिद्युत कटौतीले उपभोक्ता मर्कामा परेका छन् ।
हावाहुरी नलागेको समयमा पनि लाईन काटिदा स्थानीय देखि उद्योगी व्यापारि समस्यामा परेका छन । लाईन काटिएको समयमा उपभोक्ताले प्राधिकरणमा फोन गरेर जानकारी माग्दा समेत कार्यालय प्रमुख र अन्य कर्मचारीको समेत फोन नउठ्ने यदि उठाएको खण्डमा सजिलोको लागि बुटवलबाट गयो भन्ने जवाफ दिने गरेको उपभोक्ताको गुनासो छ ।
छिन–छिनमा बिजुली काटिदा समस्या भईरहेको स्थानीयको भनाई छ । यस्ता समस्याबाट उद्योगी, पर्यटन व्यवसायी र विद्यार्थीहरुलाई मर्का परेको छ । हाई र लो भोल्टेजका कारण अधिकांशको घरमा जडान गरिएका ईलेक्ट्रोनिक सामान बिग्रिएका छन् । पाल्पा यस्तो समस्या हालसालै मात्र देखिएको भने होइन । बिद्युत आपुर्ती सुधार नहुँदा बर्षौ देखि उपभोक्ताहरु पीडित छन् ।
विद्युत जानेबित्तिकै गाउँगाउँका टावरले काम नगरेपछि सदरमुकामको टावरमा बढी लोड पर्ने भएकाले टेलिफोन अवरुद्ध हुने, नसुनिने, स्पष्ट आवाज नआउने लगायतका थप समस्या भोग्न बाध्य छन । पाल्पामा दैनिक २० देखी ३० पटक सम्म बिद्युत कटौती हुने गरेको छ ।
यसरी बारम्बार बिद्युत कटौती हुदा ब्यापार, ब्यावशाय, शैक्षिक संस्था, बिद्यार्थी तथा उद्योगहरु प्रत्यक्ष मारमा परेका छन ।
